మహబూబ్‌ నగర్‌ లో ట్రిపుల్‌ ఐటీ క్యాంపస్‌

తెలంగాణలో రెండో ట్రిపుల్‌ ఐటీ క్యాంపస్‌ (రాజీవ్‌ గాంధీ యూనివర్సిటీ ఆఫ్‌ నాలెడ్జ్‌ టెక్నాలజీస్‌)ను మహబూబ్‌ నగర్ లో ఏర్పాటు చేస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. ప్రస్తుత విద్యా సంవత్సరం (2025 -26)లోనే మహబూబ్‌ నగర్‌ క్యాంపస్‌ లో ట్రిపుల్‌ ఐటీ క్లాసులు ప్రారంభం కానున్నాయి. ఈ విద్యాసంవత్సరంలో కంప్యూటర్‌ సైన్స్‌ ఇంజనీరింగ్‌, కంప్యూటర్‌ సైన్స్‌ అండ్‌ ఇంజనీరింగ్‌ (ఆర్టిఫీషియల్‌ ఇంటెలిజెన్స్‌ అండ్‌ మెషిన్‌ లెర్నింగ్‌), కంప్యూటర్‌ సైన్స్‌ అండ్‌ ఇంజనీరింగ్‌ (డేటా సైన్సెస్‌) విభాగాల్లో విద్యార్థులకు ప్రవేశాలు కల్పిస్తారు. పదో తరగతి పబ్లిక్‌ పరీక్షల్లో విద్యార్థులు సాధించిన మార్కుల ఆధారంగా ట్రిపుల్‌ ఐటీలో అడ్మిషన్లు ఇస్తారు.