రూ.279కే నెట్‌ఫ్లిక్స్‌ సహా 25 ఓటీటీలు

నెట్‌ఫ్లిక్స్‌ సహా 25 ఓటీటీ ప్లాట్‌ఫామ్‌ లు జస్ట్‌ రూ279కే.. భలే మంచి చౌకభేరం కదా? అవును.. భారతీ ఎయిర్‌ టెల్‌ సంస్థ తమ ప్రీపెయిడ్‌ యూజర్ల కోసం కొత్త ఓటీటీ ప్లాన్లను తీసుకువచ్చింది. నెట్‌ఫ్లిక్స్‌, జియో హాట్‌స్టార్‌, సోని లివ్‌, ఎయిర్‌టెల్‌ ఎక్స్‌ట్రీమ్‌ ప్లే ప్రీమియం సహా మొత్తం 25 ఓటీటీ ప్లాట్‌ ఫామ్‌ లను రూ.279 రీచార్జ్‌ తో పొందవచ్చు. దీనితో పాటు మరో రెండు ప్లాన్లను ఎయిర్‌ టెల్‌ తీసుకువచ్చింది. రూ.598తో రీచార్జ్‌ చేసుకుంటే అన్‌ లిమెటెడ్‌ కాల్స్‌ తో పాటు నెట్‌ఫ్లిక్స్‌ బేసిక్‌, జీ5, జియో హాట్‌ స్టార్‌, ఎయిర్‌ టెల్‌ ఎక్స్‌ట్రీమ్‌ ప్లే, అన్‌ లిమిటెడ్‌ జీ5 సహా ఇతర ఓటీటీ ప్లాట్‌ ఫాంల సేవలు పొందవచ్చు. రూ.1,729తో రీచార్జ్‌ చేసుకుంటే 84 రోజుల పాటు అన్‌ లిమిటెడ్‌ కాల్స్‌ తో పాటు నెట్‌ఫ్లిక్స్‌ బేసిక్‌, జీ5, జియో హాట్‌స్టార్‌, ఎయిర్‌టెల్‌ ఎక్స్‌ట్రీమ్‌ ప్రీమియం సహా ఇతర ఓటీటీలు చూడవచ్చు.